Parang Di Ako

Isang gabi pauwi, may nakatabi akong magsyota. Noong una, kebs lang. Madalas naman talaga akong may nakakatabing magjowa sa jeep. Pero dahil nang lumuwag luwag na, unti unting sumisimple ang boylelet ng damoves ng braso nya sa likod ng babae, meron akong napagtanto: Manyak ang lahat ng lalake.

Matagal ko nang sinasabi na ayaw kong mag-asawa sa pyuchur. At gagawin ko lang yun kung makakakilala ako (at makakabulag) ng lalakeng kahit iseduce ko ay di ako papatulan. Hindi dahil bading siya at ginagawa niya rin yun, kung hindi dahil nirerespeto niya ko. Naks!

Malandi ang magsyotang nakatabi ko. At maingay. Hindi yung ingay na iba, yung normal lang na kwentuhan. December 10 o 11 ang birthday ng babae. Sabi niya kasi, grabe noh, anong date na ba ngayon, ilang araw na lang kinse na ako. At halatang nagpaparinig siya na regaluhan siya ng istaptoy na mangangain ng alikabok sa bahay nila, ng bulaklak na wala ring silbi at mabubulok lang o ng tsokolate na iiimbak niya sa ref ng mga dalawang lingo bago niya kainin (isang piraso sa isang araw). Pero pakiramdam ko bingi lang ako. Oo, tama nga siguro na bday niya na sa susunod na lingo pero tingin ko hindi lang sya magkikinse, mukha na kasi siyang magbebente singko. Dahil diyan, pangalanan na lang natin siyang Bente singko girl. Yung lalaki naman, hindi ko katabi kaya wala akong masabi sa kanya. Itago na lang natin siya sa pangalang Gelboy. Dahil naka-gel siya.

Noong una, lumalafang lang si Bente singko girl ng sundae galing sa Mcdo. (I was not paid for this advertisement.) At dahil todo lafang siya, siguro nung una hindi rin talaga makaporma si Gelboy. Gayunman, noong tumagal-tagal na hindi ko na alam kung san napunta yung baso ng sundae ni Bente singko, baka aksidentali nakain niya na rin, mejo chubby siya e. Oh sige, hindi na lang ako magsisinungaling. Medyo mataba siyang talaga. Ayan na. Ang kaliwang siko ng Gelboy nasa likod na ni Bente Singko. Maya-maya, nawala ang kamay ni Gelboy at naikubli sa dakong madilim. Wag madumi ang isip, nagholding hands lang pala sila. Ayos lang naman until si B.S. nakahiga na sa balikat ni Gelboy. At ang Gelboy, biglang narinig ko na lang na nagsabi ng uyyy selos siya. At sang-ayon naman si BS na selosa nga siya sabay tampururot ng kaunti, sabay higa na ulit sa balikat ng Gelboy sabay bawi sabay ahihihi sabay tampururot ng kaunti (repeat until tired).

Ewan ko lang ha. Pero noon naman todo rin ako magPDA. Hindi na ko magmamalinis dahil wala naman nagbabasa dito. Pero ngayon, naiintindihan ko na kung ba’t ang daming nababadtrip sa mga PDA. Lalo na yung mga walang syota at nagmamahal sa buhay. Joke. Tsaka medyo konserbatib na rin kasi ako ngayon. Joke ulit. Nakakapikon talaga, parang mga pusa lang kasi sa mating season. Pvtanglna, alam mo yung gusto mo lang basta manapak ng tao? Ganun. Lol, ang bayolente e.

Nakakainis no? Yung mga mukhang mag-asawa na ayos lang e. Kasi hindi sila nag-iinarte ng ganun. Ayoko na lang talagang nakakarinig ng mga uyyyy, suuus, kunwari pa to oh, sorry na kasi, oh siya sorry na, yamxhyu(kasi pabulong), *mwah*, *tsup!*, ahihihi (Oo, may natawa ng ganito in real life). Siguro isa na rin dahil sa labless talaga ako ngayon kaya ayaw ko makakita o makarinig man lang ng mga landian na malamang next week ay iba na ang ka-mwahmwahtsuptsup-an. Pwede ring kasi wala naman ako sa ganong sitwasyon ngayon dahil labless ako. Tsaka nabanggit ko na ba na dahil yun sa wala akong lablayp ngayon? Pero ang totoo, ayoko ng kalandian. Gusto ko seryosohan. Joke. P0ta, kagulo parang ano e noh? Di maintindihan kung ano joke at hindi.

Oh, basta. Kayo na bahala. Ayaw niyo rin ba ng PDA(Public Display of Affection) tulad ko? Kung oo, malupit ka. Siguro pareho tayo ng dahilan: parang mas masaya naman ang Private Display of Affection di ba?